Transcription
1
Monsegneur, sans la commoditté du presant pourteur qui sen
2
retournest à Grenoble, monsieur de Veynes estoyt resolu vous
3
depecher Grasset, laquais de monsieur de Laval, pour vous faire
4
antandre come depuis le deypard de son laquais qui vous
5
est allé trouvé, monsieur de Laval na jamès esté sans fievre
6
jusques à hyer au souer, qui conmassa de tant suer que
7
toute la nuict, il na fait aultre chose, tellemant que
8
depuis il na heu aucung resantimant de fievre, qui a
9
esté cause que nous avons esté contrins par lespace de
10
troys jours, avouer troys medecins pour le pansser. Mais
11
la grace à Dieu, nature i luy a si bien aydé avec le
12
bon regime quil la tenu, que sans avouer prins aucune
13
medecine, il la rendu tant de velenye du corps par le
14
bas que cest chose incroyable ; de façon que cella nous fait
15
croyer, estant aussy lopinion des medecins quil lest
16
du tout hors de fievre. Monsieur de Veynes est dopinion
17
que, layant gardé quelques jours en ceste ville avec hors
18
de danger de retumber pour le mauvais her et seiour qui luy a
19
pour ung malade icy, de luy faire changer dher, on a ballé
20
ou à Jonages ou bien à St Saphorien, pour, puys après,
21
estant bien sainz, nous en cheminer de long à nostre
22
vouyage. Nous avons resceus tant de biens et secours de
23
monsieur et madame la generalle Grollyer, que nous leur
24
en serons redevables toute nostre vye. Ilz nont pas lessé
25
faulte à monsieur de Laval ny de confitures, ny de
26
gellé. Nous avons receu aussy beaucoup de courtoesie
27
[v°] de madamoesele de St Prie. Le chastelin Ivonet ne nous a
28
jamès abandonné jusques à ce que monsieur de Laval a heu perdu
29
sa fievre et nous a secouru de force voulallye, dont il nen
30
na voulu prandre largent, mesmemant de gros chapons
31
vieulx pour faire restorands de coulys. Voilla tout ce
32
que je vous peux faire antandre, parquoy, metant fin à
33
la presante, après vous avouer beysé très humblemant
34
les mains, je prieray le Createur
35
Monseigneur vous donner en parfaicte santté, longue et hereuze
36
vie. De Lyon, ce 26 julliet 1572
37
Vostre très humble et hobeyssant serviteur
38
de Chapponay